Гном е објектна графичка околина за „POSIX“ системи. Како и поголемиот дел од слободниот софтвер, Гном може да се користи на повеќе јазици - вклучувајќи го и македонскиот. Всушност тоа е и целта на проектот за превод на Гном на македонски (Гномк) којшто е дел од „GNOME Translation Project”.

Инаку, членовите на Гномк се волонтери кои работат на проектот во своето слободно време. Доколку и вие сакате да се придружите во проектот испратете порака на ufo[AT]linux net mk. За преведување на Гном не е потребно да сте програмер. Доволно е да имате инсталирано ГНУ/Линукс и да имате солидни познавања од областа на компјутерската терминологија и англискиот јазик.

Последната верзија на Гном (2.10) делумно го поддржува и македонскиот јазик. Тука можете да го прочитате официјалното соопштение за Гном 2.10 на македонски јазик.

Статистика за преведени датотеки:

Гном 2.8 | Гном 2.10

Поштенска листа на проектот: gnomk-main@lists.sourceforge.net